tirsdag 2. desember 2008

Vi lister oss så stilt på tå...

og framhaldet? Akkurat, - alle kan vel den songen:
"når vi skal ut og røve, vi røver bare det vi må og det som vi behøver."

Dette er moralen hos dei 3 røvarane i Kardemommeby, men kan vi godta det? Kan ein berre forsyne seg av andre sine ting, berre fordi ein må ha det - eller akkurat då treng det?
Desse røvarane lyt tenkje på kva det fører med seg å ta frå andre. Greit, du kan få noko av meg om du spør. Men du skal ikkje berre kome og forsyne deg. Ja, men du har så mykje, seier du - meir enn det eg har.
Ja, men eg har kanskje spinka og spart for å få akkurat den bilen eller den datamaskina.

Er dette noko å skrive om i desse adventstider, spør du. Ja, folkens, sei til alle de kjenner, kjeltringar eller andre og be dei halde fingrane frå fatet. Fortel dei om at dei gjer vanlege folk utrygge . Og tenk på dei kostnadene dei gjev samfunnet. For ikkje å tale om kor forarga ein vert.

Eg sit stundom i Lagretten eller er meddomar i ei straffesak. Du får melding i god tid om å møte til førehavinga i retten, men det passar sjeldan eller aldri.

For nokre år sidan hadde eg tinga teaterbillettar til Piaf-framsyninga i hovudstaden, og dotter mi og eg gledde oss til framsyninga. Nokre veker før teaterbesøket fekk eg melding om ei rettsak, og eg kunne ikkje seie at eg skulle på teater. Men eg sa frå den gongen eg skulle på studiereise som var betalt og ordna - og vart friteken.

Men no skulle eg vere i Retten ei veke i jolestria. Berre fordi ein eller annan kanskje har gjort noko gale.
Og ikkje nok med det. Hainn te mæ og eg skulle eigentleg på ein liten førjolstur, men den gjekk jo i vasken.

Men ei plikt er ei plikt, og så fann eg til slutt ut at kanskje kunne eg på denne byturen få unna jolebrevskriving, lesing og strikking om kveldane. For då hadde eg fri. Eg var innstilt på denne jobben, så eg vart i grunnen skuffa då eg vart skutt ut og sendt heim same dagen. Lagretten hentar inn 16 personar, men berre 10 skal sitje i juryen. Ved loddtrekking måtte vi andre reise heim. Men eg hadde alt brukt ein heil dag på å kome dit, og bussturen var lang, og alt kostar. Det må samfunnet betale. Dersom alle heldt seg i skinnet og greidde seg med det dei får tak i på ærleg vis, hadde staten spart store summar.

6 kommentarer:

Unknown sa...

..og hvis samfunnet hadde sørga for at alle hadde det godt, så hadde kanskje noen ikke trengt å stjele.
Ikke alle er like priviligerte som oss.
Jeg syns det også er viktig å se på samfunnet, jeg - i slike spørsmål. Hva er det som gjør at noen mennesker ser seg nødt til å stjele - tror ikke alt bunner ut i grådighet og misunnelse - heller ikke i latskap.
Tror du??

Fivrel sa...
Denne kommentaren har blitt fjernet av en bloggadministrator.
Fivrel sa...

Eg tykkjer no ein skal ta ansvar for sine eigne handlingar eg, då. Det vert for lettvint å skulde på "samfunnet". Ein skal ikkje generalisere, men eg vil påstå at mesteparten av kriminaliteten skuldast tilhøve som personen sjølv kan og bør stå til ansvar for.

Unknown sa...

Jeg mener også at hver enkelt bør stå til ansvar for sine egne handlinger, selvfølgelig.
Likevel blir det for enkelt å si at man stjeler av grådighet eller latskap, som implisert i det opprinnelige innlegget.
Vi er - ihvertfall de aller fleste av oss - langt på vei et produkt av arv og miljø.
Jeg mener at "samfunnet" har ved og nedprioritere tidlige utredning av barn/unge ved tegn på atypisk atferd, nedprioritere barnevern og kriminalomsorg forsømt mange av sine viktigste oppgaver, om målet da er et fredeligere samfunn.

Unknown sa...

Hehehe - mora mi sier jeg er krass, og at jeg må be om unnskyldning!!
Unnskyld - mente ikke å være streng;)

Kathrine sa...

Ups! Skal ikke komme med mine handlinger her i min ungdomstid...Og når en kar i bygda nesten spør min mor om det vart folk av oss to yngste, ja så ble det da det, på et vis.-)
Men det var ikke av ondskap da, bare eventyrlyst i en kanskje kjedelig tid? En kan le av det i dag, men spennende var det.

Og, må jo legge til at vi ikke har gjort noe alvorlig da. Men vi ble nok snakka om i bygda...

Ser det er aktivitet i dette temaet her ja ,-)