lørdag 12. april 2008

Akkurat no

Mine kjære bloggarvener skriv så mykje- så ofte og så nydelege tekstar. Eg er ei ugle som er ute og flaksar om kveldane, difor vert det lita tid til blogging. Men nokre må ta seg av kulturlivet i bygda. Siste veke vart det lange kveldar med lesesirkel og planlegging av kvinnemøte. I bygda mi vil vi no invitere til eit fleirkulturelt dametreff. I dei siste åra har vi fått mange nye landsmenn, og det skal bli moro å høyre om deira kultur - og iallefall smake tradisjonell mat frå deira land. Vi har damer frå Tsjetsjenia, Burma, Thailand, Afghanistan, Nederland, Polen, Russland, Somalia. Vi vonar at mange kjem. Sjølv må vi vel og lage til noko heil-norsk. Då vil eg kome med framlegg om braud og rjome.

Nylaga braud er naugodt. Eg har akkurat laga 20 leivar flatbrød med både fint og grovt sammale kveitemjøl, litt rug og litt byggmjøl i "nåa". Eg baka braud akkompagnert av Åge Aleksandersen. Kjevla rulla taktfast over leiven medan eg song "Leva livet" i duett med Åge. Eg må nemne at det var ein gong ei lita pie - midt på åttitalet - som heller ville syngje Leva livet enn Bæ,bæ lille lam. Skal tru om det er ein person der ute på den store verdsveven som kjenner seg att.

Akkurat no - er liene rundt bygda der eg bur kvite av nysnø; akkurat no var det ein liten bjørkefink på fuglebrettet mitt; akkurat no så skifte hainn te mæ sumardekk på bilen(den gamle bilen utan servostyring); akkurat no kikkar eg på utskrifta av flybillettane våre til Estland(tenk at eg greide å tinge billettar på internett! Eg tinga hotellrom og, men vi har ikkje fått stadfesting på det - men eg har betalt, så då er vel alt ok?)
Akkurat no skal eg lage meg ein kopp te, finne fram strikkinga mi og sjå reprise på Farmen. Eg som flaksa slik siste veke fekk ikkje med meg kva som hende i finaleveka.

Så vil eg finne fram boka mi "Kjærligheten banker på" av Marisa de los Santos. Venskapen mellom Clare på 11 år og Cornelia på vel 30 år er spesiell. Dei finn snart ut at dei er sjelevener; båe elskar jo Anne-bøkene (sjølvsagt - Anne fra Bjørkely). Cornelia er kjærast med far til Clare, men han bryr seg ikkje mykje om ungen sin.

Og i kveld er det opning av den nye operaen i Oslo. Eia var vi der -

5 kommentarer:

Hilsen fra landet sa...

Takk for stemningsrapport og litt om hva som skjer hos deg. Her laver snøen ned i kjent stil fortsatt.

Har møtt søskenbarnet til pappa i dag og sammen reiste vi til Dovre for å hente det vevde, rutete stoffet til stakken - altså drakten fra slektsgården til pappa. Trodde aldri vi skulle greie å få tak i det stoffet men jammen gikk det til slutt. En kjempeflink dame som har vevd det og som kjenner til tradisjonene i Folldal. Så etterhver skal jeg få laget meg en slik drakt og jeg kjøpte stoff til en drakt til slik at en av jentene kan få. Er så moro med bunader!
Her må vi kjøpe flatbrødet, kanskje jeg burde skaffet meg en takke! Vi skal se finalen i farmen vi også. God helg! :-)

Lilledora sa...

"Akkurat no" kom vi hjem fra en liten kjøretur. Søndagsgjesten våre er dratt hjem for en god stund siden, så nå er det bare oppryddinga igjen. Vi har spist godt, Homlas yndlingsrett, og hadde ei ny sjokoladekake til dessert. Tenk det da, Hedda, at Lilledora bakte ei kake i dag. Utrolig, selv Gubben likte den. Vi liker ikke så godt Opra vi, så vi fulgte ikke så godt med i går kveld. Men vi liker godt hjemmebakt flattbrød. Lilledoras verden er igjen oppdatert. Velkommen inn

Unknown sa...

Du kan få være vårt kulturelle alibi - hvis du vil??!!

Jeg liker godt lavkultur jeg - Farmen og sånn - skikkelig saftig reality..!
Det er saker det!

Kan du ikke sette opp en bok-anbefalingsliste - du vårt kulturelle alibi - det er så greit for oss som ikke lenger klare tenke selv...! Sett opp ei liste og jeg skal følge den slavisk!
Det blir nesten som en pitteliten boksirkel - ja - bortsett fra at du allerede har lest bøkene da...hihi...!
Si meg hva du leser - og jeg skal si deg hvem du er....!!

Unknown sa...

Hei!
Jeg kom over din og fivrelds blogg på valleradio sine sider. Morsomt å lese det dere skriver:)
Håper alt står bra til i heimbygda - her sliter vi fortsatt med vinteren og lite vår i sikte.
Mvh http://leetah.blogg.no

Fivrel sa...

Heimsleg.
Er det ikkje brødbaking, så er det ein eplepai. Eller braudbaking på takka. Eller eplekaker. Eller lappar. Og på vårlege, friske og solfylde vekesluttdagar - ut med aill tæppenan, två tile, koke graut, setje pitsadeigen til seinare, kose seg med ein tekopp i solveggen, ein stille time med aviser frå fjern og nær. Rake gamalt lauv, klyppe rosebuskar, spavende komposthaugen. Tale om heimsleg. Vår og hage er heimsleg.