søndag 10. mai 2009

Lesehestar kan og skrive -

Leseåret 2008/2009 (som startar og sluttar i mai) er no snart til endes. Har eg i år nådd målet mitt som er å lese 50 bøker?
50 bøker - det er mest ei bok i veka. Det skulle vel ikkje vere problem for ei som har haugar av bøker overalt - og som kan leite i alle boksamlingane i landet etter Den boka. Men døgnet har framleis berre 24 timar, og eg må sove i 8 av dei. Eg må lage mat og ete, gå på jobb, gjere noko naudsynt husarbeid, kanskje sjå litt fjernsyn og strikke litt. Eg har imidlertid gjort så godt eg kan, og resultatet er 41 bøker.

Mange av desse 41 bøkene har gitt meg gode leseopplevingar og leseglede. Somme bøker er slik at du må lese side etter side, så fort du kan- for det er så spennande. Andre bøker les du seint og nyt kvar setning.

Eg er ein bokslukar, har nok allstøtt vore det. Eg er oppvaksen med biblioteket berre 2 minutt frå huset der eg budde. I barndomen var eg på bibber'n kvar dag: Lånte ei bok og gjekk heim for å lese - og neste dag attende med boka og låne ei ny. Eg kan til og med minnast den fyrste boka eg lånte på eige bibliotekkort. Det var "Gun og bølgene". (Trur eg fekk fatt i den på eit antikvariat for nokre år sidan).

Eg les barnebøker og bøker for ungdom. Ei av barnebøkene eg hadde stor glede av å lese var "Ved Arken klokka åtte" - av Ulrich. Det var Noah som ba alle dyra om å kome til Arka. Fornøyeleg!

Ungdomsbøker likar eg og. Per Nilsson skreiv for fleire år sidan "Hjertets fryd"; om den unge guten som vert ulukkeleg forelska i jenta med det raude håret og den grøne genseren. Ho som duftar av sitronmelisse (eller hjertets fryd som det visstnok heiter på svensk). No har det kome eit framhald. "The return of Hjertets fryd". No får vi vite korleis det gjekk med den unge guten året etterpå - og kvifor den unge jenta ikkje ville ha meir kontakt. Bra ungdomsbok.
Berre titelen på Bjørn Sortland si siste bok gjer at du får lyst til å lese den. " Kva tåler så lite at det knuser om du seier namnet på det".
Ingelin Røssland har skrive spennande bøker om Engel Winge. "Englefjes" og "Englejakt". Engel er ein tøff tenåring som har sumarjobb i ei lokalavis og prøver å finne ut av mysterier på heimstaden sin. Det er ei fargerik og sterk jente - med eit frodig språk.
Anna Gavalda har og skrive for ungdom. "35 kg håp" handlar om Georg som er 14 år, hatar skulen, har dumpa og er no utvist. Men han kjem til slutt på ein skule der han trivst.

Ein burde kunne lese litteratur frå nabolanda på originalspråket. Eg har faktisk lese to bøker på svensk. Ja, omsett til svensk frå latvisk. Den fyrste boka tok det tid å kome gjennom, den andre gjekk mykje betre. Vizma Belsevica har skrive sjølvbiografiske romanar "Bille och kriget" og "Billes skøna ungdom". Bøkene gjev eit godt bilete av livet i Latvia under siste verdskrigen og dei fyrste åra etter krigen. Desse bøkene likte eg godt.

Eg er glad i høgtlesing. Då er lydbøker midt i blinken. Lasse Lindtner les bøker av Gunnar Staalesen. Han skifter mellom uike dialektar, og lydbøkene vert som høyrespel. "Kalde hjerter" og "Begravde hunder biter ikke" var spennande!
Høyrespel frå NRK er allstøtt moro å høyre på. Ein av mine favorittar er "God natt, mister Tom" av den engelske forfattaren Magorian. Det er krig i England, og vesle Will vert sendt ut på den engelske landsbygda for å kome unna bombinga av London. Eit rørande og godt forhold mellom den redde, vesle guten og den eldre mannen, Tom.
Harry Bernstein var over 90 år då han skreiv sine to sjølvbiografiske romanar. "Den usynlige muren" handlar om barndomen hans i England. Han budde i ein by der dei kristne budde på den eine sida av gata , og på den andre sida av den usynlege muren budde jødane.

Tysdag 12. mai startar mitt nye leseår. 4 bøker ligg klare !
Skal eg starte med framhaldsboka til Harry Bernstein - "Drømmen". Då har familien til forfattaren reist frå England til Amerika, men vert det nye livet som draumen dei har drøymt?
Eg gled meg til Anna Gavalda si nye bok "Lykka er ein sjeldan fugl", men den skal eg kanskje gøyme til pinsa? Kva med "Barn av Stalin. Tre generasjoner i krig og kjærlighet" av Owen Matthews?
Nei, eg trur eg tek "Dewey". Av Vicki Myron. Den handlar om bibliotekkatten som erobra småbyen og tok ei heil verd med storm!
Det må vel vere noko for meg i desse vakre, men akk så kalde maidagane.

11 kommentarer:

Anonym sa...

41 bøker - det er fenomenalt godt utnytta fritid. Veldig inspirerande innlegg, Eg gjekk fluksens til bestilling av lydbok etter råd i bloggen frå deg. Du ventar på varmen, men no kjem den, trur eg. Gratulerer med bursdagen i morgon!

Fivrel sa...

Fantastisk! 41 bøker på eit år, det er jo ei bragd. Det er mange bøker du nemner her som høyrest gama og spennande ut - serleg på lydbok, det er jo så praktisk! Det har gått med ein god del lydbøker til måling og ordning i Huset dei siste månadane, me har mellom anna kosa oss med En by som Alice (Shute), På egne vinger (Dahl)og ymse polarlitteratur.

Lukke til med eit nytt, rikt leseår, og hjarteleg til lukke med den fine datoen leseregistreringa di byrjar :-) Klem

Lilledora sa...

En liten fugl sa at du hadde bursdag i dag, så herved, GRATULERER.
41 bøker, det er mange det, har ikke tallet på hvor mange jeg har lest, kanskje jeg skal notere det ned jeg og. Senglektyren min er, A town like Alice. Jeg bare elsker den boka. Husker at for mange år siden fylte søstra mi år. Hun gikk på gymnaset og var stor og leste engelske bøker. Jeg, lillesøster, ville gi henne noe hun ble glad for, og gikk inn i en bokhandel og kjøpte den tykkeste paperbacen jeg kunne finne, gjett hvilken bok det var. Nemelig, A town like Alice.
Må og fortelle at stualektyren min er Sigrid Undset dikterdronningen av Slapgard. Nydelig bok

kirstis blogg sa...

Hei Lisbeth! No har du vel fått helsing frå meg på snailmail!. Du slår meg nok i mest alt, men kanskje
les eg fleire bøker enn deg! Vi likar nok mange av dei same bøkene, yndlingsboka mi i ungdomshylla er Hjertets fryd og Mister Tom likte eg
og kjempegodt. Og så dei to bøkene av Harry Bernstein da! Vonar han lever lenge nok til å skriva den tredje om livet sitt. Vonar du vil prøva nokre av forslaga mine. Kirsti

Kathrine sa...

Så fornuftig t-sjorte du fikk:)) Og så mange bøker du har lest! Imponerende!

Sol og flott vær her til meg, så jeg tok likeså godt og slo av plenen i dag. Nå skal jeg gjøre det jeg egentlig skulle gjort, male. Det har vært en ganske turbulent vinter/vår, med mange håndtværkere innomhus, så det meste har vært kaotisk her.

Nyt dagene og lesinga:))

:)

Ingalill. sa...

Gratulerer med dagen forresten - den har vært- men da man tross alt feirer 3 dager til ende - er jeg vel innom fristen :-).
Når det gjelder byen Alice ble den nettopp fjernet ut av bokhylla mi av noen som hevdet å eie den.
Den hadde tross stått der i over 20år så da kan vel selv boktyver kreve eierskap - men nei den er nå reclaimed og jeg kjenner det er lenge siden jeg har lest den.
Gratulerer igjen og takk for boktips!

Unknown sa...

Du er en skikkelig lesehest.
Jeg lo godt med meg selv her om dagen da jeg endelig så at bloggen din heter Bibliofiolen - og ikke bibliofilen. som jeg har trodd. Hehe. Så mange bøker som du leser ville kanskje bibliofil være en vel så passende beskrivelse - eller hva??

Jeg har bare lest en - 1 - bok på denne siden av nyåret. En skjønnlitterær vel og merke. Det var; Haruka Murakamis - "Hardkokt eventyrland og verdens ende".

Den var utrolig fasinerende - og litt kafkaisk - og det kan man like.
Jeg har jo også lest en haug med barnebøker - det må jeg si. Vi har nå begynnt med bok nummer 2 av mormor og de 8 ungene - til stor begeistring for store og små.
Ellers går det i de kjente og kjære barnebøkene. Egner m/venner. Kan du foresten anbefale noen gode lydbøker/bøker som passer til 2 små på en gang - noen litt nye??
Her i midten av landet er de så dårlige på anbefalinger.

Kos deg med nytt bokår. Fra 5.juni skal jeg begynne å lese igjen. Lengre perioder uten lesing virker fordummende - det kan jeg bevise - hehe

Om bloggeren sa...

Ja sant "Ved arken kl åtte" var flott? Har lest alle de barne/ungdomsbøkene du skriver om, og de er bare noen av MASSE spennende, bra og morsomt:) Leser mye ungdomsbøker for tiden, da 8 klasse er "satsningsområdet" for høsten, anbefaler "Natt på frognerbadet" - kjempegod. Og "I morgen skal vi sitte i solen" er en sterk og fin barnebok.
Og så er jo virkelig ikke Twilight-serien oppskrytt, fantastico!:)

Hilsen fra landet sa...

Så mange bra tips her da! Skal jammen lese noen av disse jeg også. Og 41 er da virkelig et bra antall!!

Så bra du likte buketten, håper du koste deg litt ekstra på dagen din :-)

Lilledora sa...

Det har rent mye vann i havet siden 10 mai. Driver du og leser flere bøker slik at du kan tangere rekorden fra sist???

Ingalill. sa...

Hei uglemor. Jeg må si meg enig med lilledora - det er leeenge siden 10.mai. Tenk så glade vi skulle blitt hvis flunkende nytt leseststoff lå å ventet på oss neste gang vi kom på besøk.

Gjerne 10 sider om hvorfor Bisettelsen er en fantastisk bok og bør leses omgående :-)