fredag 4. september 2009

Fager kveldsol smiler

Fager kveldsol smiler
over heimen ned,
jord og himmel kviler
stilt i heilag fred.
Berre bekken brusar
frå det bratte fjell.
Høyr kor sterkt det susar
i den stille kveld!



I bua vår langt inne på heia har vi ikkje anna leseljos enn det sola gjev oss. Den fagre kveldsola lyste opp inne i bua dei kveldane vi var der sist i juni. Det var varmt, og det hadde vore godt med eit kveldsbad - hadde det ikkje vore for den forbaska knotten. Då var det godt å trekkje inn i bua og finne fram boka. Dei siste åra har Hainn te mæ og æ berre hatt med ei bok på heieturen.
Hainn må ofte lese høgt, medan eg strikkar. Men denne gongen var det min tur (om eg ikkje skunda meg å lese fort vidare på eiga hand, då).


Det var varme, gode dagar. Men om natta og morgonen hadde vi skodde. Det gjev ei trolsk stemning. Legg ein godviljen til -kan ein godt sjå huldra danse borte i småskogen.


"Fager kveldsol smiler" har vi sunge i dag i gravferda til ein god granne. Denne songen var og kveldsongen i heimen den gongen Gullungen var lita. Ho var glad i viser og vers, og repertoaret var stort. Då ho var vel 2 år sa ho ein dag: "Titta lik itj Bæ,bæ lille lam. Titta like bare Levva livet!"
Dei gamle songane og salmane har vi teke fram att. Der Gullungen no bur, står det eit gamalt orgel i stoga. Vi har prøvd oss fram, og vi har spela mang ein melodi etter gehør. Med ein finger!Dei gode gamle salmane er dei enklaste å spele. "Leid milde ljos" trur eg er glansnummeret. Der spelar vi med ei hand kvar - og vi legg på akkordar. Vi er veldig imponerte over det vi får til. Til jol vert det nok ein konsert.
For oss sjølve.

6 kommentarer:

Anonym sa...

Å – så koseleg dette innlegget var! Mest så eg kjenner angen av gamal bu. Det minner meg om kjensla av harmoni og sinnsro som ein berre opplever i omgivnaden som du fortel om. Flott at det gamle instrumentet hjå Gullungen vert teke i bruk.

Hilsen fra landet sa...

Vemodig med begravelse, men godt å ta frem slike sanger.

Og for noen minner dere har fra fjellet, - ja, det betyr nok mye for Augusta å få se bilder og lese det du skriver derfra!!

Stedene på fjellet er som en drøm for oss alle, spesielt paradisstedet da.. dit føles det like langt som over havet, men egentlig er det jo en helt overkommelig tur!

Hilsen fra landet sa...

PS: Ullstein ble tatt i mot med stort smil og han har fått være med i hele ettermiddag og kveld og han vil bli vist frem i helgen.

Ulla henger på den brune sekken til 2.klassejenta. Ulrik henger på den rosa barnehagesekken til barnehagejenta og matcher de grønne joggeskoene hennes.

Ullstein har litt lyseblått på seg, og det er favorittfargen og sekkefargen til 4.klassejenta. Kan det bli mer perfekt! Skilt med navnet sitt har de jo også, og de er så utrolig fine. Tusen takk! Bilde vil komme. :-)

Ingalill. sa...

Koselig bilde og tykk bok - hva leser du?

Lilledora sa...

Koselig innlegg og koselig bilde. Du verden, du har langt hår. Hadde det jeg og,-engang.
Dere synger Fagerkveldsol smiler til natta sang, her går det mest på Grusomme Gabriel og SAbeltann sanger, men av og til får jeg lurt inn noen søte sanger sånn som Lillekattepus og lignende. Prinsen liker ikke så godt Vesleblakken, liker ikke triste sanger sier han, bare skumle. God søndag

Kathrine sa...

Stemningsfullt.

Ønsker deg ei fortsatt fin uke:)